Сброс
[ A+ ] / [ A- ]
Мына жердесіз:  Басты бет Жаңалықтар ҚР Ауыл шаруашылығы министрлігі астық бағасын жариялады

ҚР Ауыл шаруашылығы министрлігі астық бағасын жариялады

Республикамыздағы негізгі егін өлкелері жаппай егін ору жұмыстарына кірісті. Бүгінге дейін еліміз бойынша 4 млн. 265 мың га астық жиналды. Бұл өткен жылдағы көрсеткіштен жоғары. Орташа өнімділік гектарына 13,4 центнерді құрайды.

ҚР Ауыл шаруашылығы министрлігі астықты сатып алу бағасын жариялады.

Ағымдағы егін ору маусымында бидай бағасының дәлізі оның сапасы мен жеткізу орнына байланысты кеңейтілді.

Осыған байланысты 1 тонна астық бағасы келесідей болып белгіленді:
– Құрамында 23% клейковина және 12% протеині бар 3 сұрыптағы бидайдың тоннасы – 42000 теңге;
– Құрамында 25% клейковина және 13% протеині бар 3 сұрыптағы бидайдың тоннасы – 45000 теңге;
– Құрамында 27% клейковина және 14,5% протеині бар 3 сұрыптағы бидайдың тоннасы – 50000 теңге (54000 теңге – АҚО-да қапшықталған);
– Құрамында 32% ұлпа және 15% протеині бар 3 сұрыптағы бидайдың тоннасы – 60000 теңге (АҚО-да қапшықталған);
– Құрамында 20% клейковина және 11% протеині бар 4 сұрыптағы бидайдың тоннасы – 39000 теңге;
– Құрамында 18% клейковина және 9,5% протейні бар 4 сұрыптағы бидайдың тоннасы – 37000 теңге;
– 5 сұрыптағы бидайдың тоннасы – 33000 теңге.

Сонымен қатар, 2 сұрыптағы арпа бағасы жеткізу көлемі 1000 тоннаға дейін болса, 40000 теңгеге, ал жеткізу көлемі 1000 тоннадан артық болса, тоннасы 41000 теңгеге дейін артты.
Барлық бағалар ҚҚС қоса алғанда көрсетілген.

Анықтама: астықтың сапалы көрсеткіштері мен бағалары жайлы толық мәліметті «Продкопорация» АҚ интернет-ресурсында www.fcc.kz. жарияланған.

ҚР АШМ Баспасөз қызметі
+7 (7172) 555-765
minagripress@gmail.com

Пікір қалдыру

Cіздің email адресіңіз бөгде адамдарға көрсетілмейді Негізгі жолдар белгіленген *

*

Система Orphus