Сброс
[ A+ ] / [ A- ]
Мына жердесіз:  Басты бет Жаңалықтар Кооперация – ауылды дамытуға жаңа серпін береді

Кооперация – ауылды дамытуға жаңа серпін береді


Бүгін Қазақстан Республикасы Ауыл шаруашылығы министрлігінің баспасөз-орталығында брифинг өтті. Онда ауыл шаруашылығы кооперациясы департаменті және «ҚазАгро» ҰБХ АҚ еншілес қоғамдарының өкілдері БАҚ-ты шағын және орта шаруашылықтарды ауыл шаруашылығы кооперациясына тарту бойынша хабардар етті.

Мемлекет басшысы өзінің Қазақстан халқына «Қазақстанның Үшінші жаңғыруы: жаһандық бәсекеге қабілеттілік» атты жолдауында бес жыл ішінде 500 мыңнан астам жеке үй шаруашылықтары мен шағын фермерлерді ауылшаруашылық кооперативтерге тартуға бағдар алуға тапсырма берді.

Сонымен бірге, 2021 жылға дейін АӨК дамыту мемлекеттік бағдарлама шеңберінде 1204 ауыл шаруашылығы кооперативтерін құру көзделген.

Шағын шаруа қожалықтар мен жеке қосалқы шаруашылықтарды кооперативтерге тарту бойынша шараларды күшейту мақсатында Министрлікпен Еңбек және халықты әлеуметтiк қорғау министрлігі және облыс әкімдіктері арасында үшжақты жоспарларға қол қойылды.

Анықтама үшін. Қол қойылған іс-шаралар жоспарларымен 2017 жылдың соңына дейін 467 ауыл шаруашылығы кооперативтерін құру бойынша индикативтік көрсеткіштер анықталған.

Өткізілген сүт көлемінің бір бірлігі үшін (бір литр сүтке 10 теңге), сойып өткізілген малдың бір басы үшін (20 мың теңге бір бұқа басын бордақылау үшін және 1500 теңге бір қозы басын бордақылау үшін) және сатып алынған құрамажемнің құнын арзандатуға, сондай-ақ жабдық пен техника сатып алған кезде жұмсаған шығыстарын 50%-ға дейін өтеуге субсидиялар бөлу көзделді. (тәулігіне 1 тоннадан сүт қабылдау пункті, тәулігіне 5 мал бастан мал сою пункті, инкубатор станциялары, клеткалық жабдығы, құрама жем дайындайтын цех, жеміс-көкөніс өнімдерін жинау пункттері, рефрижераторлар мен сүт таситын машиналары).
Сонымен қатар, кооперативтерді дамытуды қосымша қаржыландыруға бағытталған жаңа кредиттік өнімдер бекітілді.

Анықтама үшін: кооперативтерді дамыту – «Ынтымақ», ауыл шаруашылығы жануарларды өсіру – «Игілік», отбасылық бордақылау алаңдар және сүтті-тауарлы фермаларды құру – «Береке» және «Ырыс»; КД және ЖЖ жүргізу – «Егiнжай», басқа ауыл шаруашылығы және ауыл шаруашылығы емес қызмет түрлеріне кредит беру – «Кәсіпкер».

Микрокредитке қолжетімділікті қамтамасыз ету мақсатында кредит мөлшері 18 млн. теңгеге дейін және кредит беру мерзімі 7 жылға дейін ұлғайтылды. «ҚазАгро» ҰБХ» АҚ-ның еншілес ұйымдары арқылы лизингке беру жолымен бастапқы жарнасыз модульдік сүт қабылдау және сою пункттерін сатып алу схемасы әзірленді.

Анықтама үшін: Бастапқы жарна болып инвестициялық субсидия (50%) болады және кепілдікке сатып алынатын құрал-жабдық алынады.

2017 жылдың 1 тамыздағы жағдай бойынша республика бойынша 50 мыңнан астам жеке қосалқы шаруашылықтарды қамти отыра 517 ауыл шаруашылығы кооперативі тіркелді, оның ішінде 173 сүт қабылдау, 281 мал сою, 41 жеміс-көкөніс дайындау, 2 ара өсіру және балды өндіру мен өлшеп салу бойынша, 4 құс өсіру мен сою бойынша, 4 интенсивті бақша бойынша, 2 түйе сүтін өндіру және қайта өңдеу бойынша, 3 тауарлық балық өсіру бойынша, сондай-ақ 30 573 ірі қара мал басына 1 835 басы отбасылық бордақылау алаңы құрылды (4,7 мың тонна сиыр еті).

Бүгінгі күні «Ауыл шаруашылығын қаржылай қолдау қоры» АҚ арқылы 89 сүт қабылдау пунктін, 18 сою пунктін, 28 сүт таситын көлік, 15 рефрижератор сатып алуға арналған өтінімдер мақұлданды.

Қабылданған шаралар шамамен 4 мың жеке кәсіпкермен және 6 мыңнан астам жаңа жұмыс орындарын құруға мүмкіндік берді.

Бүгінгі күні, 2016 жылдан бастап құрылған кооперативтерді ескере отырып, жыл басынан бері 25 мың тоннадан астам сүт дайындалды (сүт өндірісі 75 мың тоннаға артты) және 8 мың тонна ет (союдың қуаты 35 мың тонна) және 600 тонна жеміс-көкөніс өнімдерін дайындауға арналған инфрақұрылым құрылды.

Ағымдағы жылдың қорытындысы бойынша сүт өңдеу кәсіпорындардың жұмыспен жүктемелігі 60%-дан -70%-ға дейін, ет өңдеу кәсіпорындар 55%-дан 65% -ға дейін жеткізетін болады.

ҚР АШМ Баспасөз қызметі
+7 (7172) 555-765
minagripress@gmail.com

Пікір қалдыру

Cіздің email адресіңіз бөгде адамдарға көрсетілмейді Негізгі жолдар белгіленген *

*

Система Orphus