Сброс
[ A+ ] / [ A- ]
Мына жердесіз:  Басты бет Жаңалықтар А.Мырзахметов Ақмола және Павлодар облыстарына жұмыс сапарымен барды

А.Мырзахметов Ақмола және Павлодар облыстарына жұмыс сапарымен барды

Бүгін Елбасының тапсырмасын орындау мақсатында ҚР Премьер-Министрінің Орынбасары – Ауыл шаруашылығы министрі Асқар Мырзахметов жұмыс сапарымен Ақмола және Павлодар облыстарында болды. Жұмыс сапарының барысында “Қазақстанның Үшінші жаңғыруы: жаһандық бәсекеге қабілеттілік” атты Қазақстан Республикасы Президентінің Қазақстан халқына Жолдауының жүзеге асу барысымен танысты.

Елбасы агроөнеркәсіптік кешен экономиканың жаңа драйверіне айналуы тиіс деп тапсырма берсе, соның негізінде Агроөнеркәсіптік кешенді дамытудың 2017-2021 жылдарға арналған Мемлекеттік бағдарламасы әзірленді.

Аталған бағдарламада әкімдіктер үшін әр жылға нақты индикаторлар белгіленген. Жұмыс сапарының басты мақсаты қойылған индикаторларды талқылау және орындалу барысын бақылау болып табылады.

Жаңа бағдарламаға сәйкес ішкі нарықты отандық өніммен толықтыру, қайта өңдейтін және құрама жем кәсіпорындарының жүктемелігін арттыру, мал шаруашылығындағы жемшөп базасын нығайту мақсатында егістік жерлерді әртараптандыру жұмыстары жүргізілуде.

Қазіргі таңда Ақмола облысындағы 6 май өңдейтін зауыттардың жүктемелігі – 30%, ал құрама жем зауыттарының жүктемелігі 56% құрап отыр.
Сондықтан, зауыттардың жүктемелігін арттыру мақсатында 2021 жылға қарай майлы дақылдар алқабын 380 мың га, мал азығы дақылдарын 490 мың га, арпаны 670 мың га арттыру жоспарлануда. Ал бидай алқабын 680 мың га қысқарту көзделуде.

2017 жылы Ақмола облысында ауыл шаруашылығы дақылдарын 5,1 млн га аумаққа егу жоспарлап отыр.

Анықтама: Дәнді дақылдар – 4,3 млн.га (бидай – 3,8 млн. га, арпа – 410 мың га, сұлы – 42 мың, бұршақ дәнді дақылдар – 71 мың га), майлы дақылдар – 241 мың га. аумаққа егіледі деп жоспарлануда. Облыстағы ауыл шаруашылығы тауар өндірушілерінің 2017 жылғы егістік жұмыстарын жоспарланған аумаққа жүргізу үшін дизель отынына қажеттілік 50 мың тоннаны құрап отыр.

Көктемгі егіс жұмыстарына дайындық барысымен таныса отырып, Министр ағымдағы жылы көктемгі-егістік жұмыстарын жүргізу үшін бюджеттік несиенің пайыздық мөлшерлемесі төмендегенін айтты, соңғы тұтынушы үшін мөлшерлеме 5-6 % құрады. Бұл төмендеу ең алдымен ауыл шаруашылығы дақылдарын сапалы егуге бағытталған.

Әрі қарай, Вице-премьер аудан әкімдері мен ауыл шаруашылығы тауар өндірушілері арасында жиналыс жүргізді. Жиналыс барысында ауыл шаруашылығы кооперативтерін дамыту мен аймақта жеке қосалқы шаруашылық әлеуетін пайдалану арқылы АӨК өнімдерін өндіруді ұлғайту мәселелері қарастырылды.

Кооперативтерге қолдау білдіру үшін мемлекет тарапынан барлық шаралар қарастырылған, мысалы: құрал-жабдықтар бағасын 50% арзандату, жем-шөпке субсидия беру, өндірілген және өңдеуге тапсырылған өнімдерді субсидиялау, жеке қосалқы шаруашылықтарға төмен пайызды несие қарастыру және т.б.
Ауыл шаруашылығы кооперативтерін құруды белсенді жүргізу мақсатында, Министрлік тарапынан «Ауыл шаруашылығын қаржылай қолдау қоры» АҚ арқылы лизингке берілетін сүт қабылдау және мал бордақылау пункттерін алғашқы жарнасыз құрудың сызбасы жасалды. Алғашқы жарна ретінде жалпы құнынан 50% көлемінде бөлінген инвестициялық субсидияны пайдалану көзделуде. Сонымен қатар, мемлекет тарапынан кооперативтерге тапсырылған 1 литр сүт үшін 10 теңге субсидия берілмек. Әрбір мүйізді ірі қара үшін 20 мың теңге және ұсақ малдарға 1500 теңге көлемінде субсидия беру қарастырылған.

Айта кету керек, Елбасының тапсырмасына сәйкес Қазақстанның барлық аймақтарында ауыл шаруашылығы кооперативтерінің негіздері, кооперативтерге біріккен ауыл тұрғындары үшін мемлекет тарапынан көрсетілетін мемлекеттік қолдау шаралары туралы республиканың барлық аймақтарында кеңінен түсіндіру жұмыстары жүргізілген болатын.

Ақмола облысында осы жылы сүт пен ет өнімдерінің жүктемелігін арттыратын 32 кооператив құру жоспарлануда. Қазіргі таңда 14 кооператив құрылды.
Ақмола облысының жұртшылығымен кездесуден кейін А.Мырзахметов Павлодар қаласында аудан әкімдері мен Павлодар облысы ауыл шаруашылығы тауар өндірушілерімен бірге жиналыс өткізді. Жиналыста ауыл шаруашылығы кооперативтеріне бірігудің маңыздылығы, ауыл халқын жұмыспен қамту, егістік жерлердің құрылымын әртараптандыру, көктемгі егістік жұмыстарының барысы және суармалы жерлердің көлемін арттыру мәселелері талқыланды.

Қазіргі таңда жеке қосалқы шаруашылықтардың кооперативтерге бірігуі ауыл тұрғындарын жұмыспен қамтудың жақсы бір шешімі болып табылады. Ауыл шаруашылығына қажетті шикізаттың негізгі өндірушісі жеке қосалқы шаруашылықтар. Кооперацияға бірігудің нәтижелі екенін Германия, Қытай, Израиль сияқты дамыған елдердің тәжірибесінен көруімізге болады.

Қазіргі ауқытта облыста 70 кооператив құрылған. (оның ішінде 48 кооператив былтырғы жылы құрылды). Осы жылы тағы да 8 кооператив құрылады деп жоспарлануда. Сүт өңдейтін кәсіпорындардың жүктемелігі – 55%, ал ет өңдейтін кәсіпорындардың жүктемелігі – 68% құрайды.

Су ресурстанын пайдаланудың тиімділігін арттыру соның ішінде ауыл шаруашылығына қажетті жайылым жерлерін суару, өндірісте су тұтынудың тиімділігін жоғарылату арқылы ирригациондық инфрақұрылымды және мелиорациялық жүйені қалпына келтіру Мемлекеттік бағдарламаның негізгі міндеттері болып табылады.
«Мемлекеттік бағдарлама келісілді, қаржыландыру толық көлемде бөлінді, мемлекет тарапынан барлық жағдай жасалынды. Ендігі әкімдіктердің міндеттері – мемлекеттік бағдарламаның іске асырылуына және фермерлерді ауыл шаруашылығы кооперативтеріне біріктіруге ынталандыру жұмыстарын қарқынды жүргізу»,- деп өз сөзін қорытындылады А. Мырзахметов.

Жұмыс сапары барысында Асқар Мырзахметов Павлодар қаласындағы сүт зауытының жұмысымен танысты.

Анықтама: Павлодар облысында ауыл шаруашылығы дәнді-дақылдарын 1,3 млн. га аумаққа егу жоспарлануда. Оның ішінде бидай – 692 мың га, майлы дақылдарды 192 мың га егу жоспарлануда.

Облыстағы ауыл шаруашылығы тауар өндірушілерінің 2017 жылғы егістік жұмыстарын жоспарланған аумаққа жүргізу үшін дизель отынына қажеттілік 16 мың тоннаны құрап отыр. 11 сәуірдегі жағдай бойынша 4,6 мың тонна дизель отыны жіберілді.

ҚР АШМ Баспасөз қызметі
+7 (7172) 555-765
minagripress@gmail.com

Пікір қалдыру

Cіздің email адресіңіз бөгде адамдарға көрсетілмейді Негізгі жолдар белгіленген *

*

Система Orphus