Сброс
[ A+ ] / [ A- ]
Мына жердесіз:  Басты бет Жаңалықтар Ақмола облысында жеке ветеринарлық клиника ашылды

Ақмола облысында жеке ветеринарлық клиника ашылды


Ақмола облысындағы Зеренді ауылында өңір бойынша алғашқы жеке ветеринарлық клиниканың ашылу салтанаты болып өтті.

«Animal Planet» жеке кәсіпкерлігі басшысы Талғат Мамбеталин бұған дейін ветеринарлық препараттарды жасаумен айналысқан. Ветеринарлық қызметтерге сұраныс көп болғанан кейін, Т. Мамбеталин өзінің жеке бизнесін әрі қарай дамытуға кірісіп, бетбұрысты шешім қабылдаған болатын.

Талғат Серікбайұлы «Жұмыспен қамту картасы 2020» бағдарламасына қатысушылардың бірі. Оның айтуынша, осы клиниканы ашудағы басты мақсат – сапалы және қолжетімді ветеринарлық қызмет көрсету. Онда қабылдау – тіркеу арқылы және жеке кезек бойынша жүргізіледі.

Жерді тіркеп, несие алғаннан кейін екі айдың ішінде ауыл орталығында жаңа ветеринарлық клиника салған. Қазіргі таңда ол жерде бір ғана жұмыс орыны істеп тұр.

Бұл жерде ветеринарлық препараттарды жасаудан басқа, жануарларға ота жасап және инфекциялық аурулардың алдын алу үшін ваксиналар егу, оларды емдеу жүргізілмек. Сонымен қатар, кеңес беру қызметтері көрсетілетін болады.

Айта кетейік, клиника жануарларды алдын ала қарайтын жеке кабинетпен ғана шектелмеген, сонымен қатар, ота жасауға және егуге арналған кабинеттер де бар.

«Облысымыздың қай аумағынан болмасын, біздің есігімізді қаққан әрбір келушіні оң қабақпен қабылдап, өтінішін қарауға әрдайым дайынбыз. Біз демалыссыз жұмыс жасаймыз», – деді Талғат Мамбеталин.
Оның айтуынша, бұған дейін басқа клиникалар таба алмаған диагноздарды осы клиника дөп басып қойып, емімен айналысуға әзір.


ҚР АШМ Баспасөз қызметі
+7 (7172) 555-765
minagripress@gmail.com

Пікір қалдыру

Cіздің email адресіңіз бөгде адамдарға көрсетілмейді Негізгі жолдар белгіленген *

*

Система Orphus